一个广州靓女

　　琴日，有个女仔叫我帮佢介绍男朋友。以下系对话：

　　MM：帮我介绍男朋友啦。

　　ME：你之前果个呢？对你几好嘎，散咗咩？

　　MM：对我系好好，不过无钱，份工无前途！我同佢分咗啦。

　　ME：咁你想揾点样嘎？咩条件啊？

　　MM：唔使好靓仔，要人好，最重要系有钱！

　　ME：咁几钱先叫有钱？几钱符合你要求？

　　MM：肯定有车有楼啦，有公司，要宝马或者BENZ，

　　ME：哦，我识得好多，我哋D车主基本上个个都开公司，而且我哋D车唔差得过宝马同BENZ

　　MM：咁你唔介绍我识？

　　ME：介绍俾你啊？果D人要求好高，要够靓要够高仲要有气质。我见到人地D女朋友都系模特儿啊、明星仔啊或者好有气质嘅OL，咁喔。

　　MM：我自问都系靓女啊！

　　ME：但你企埋人地果个圈子呢？

　　MM：咁你即系踩我嗟？系咁啦，唔想同你讲！

　　其实唔系我想踩你，系你唔踩唔得。

　　我要踩你，都要你训系度嘎，你企得高企得直的话，试问我又点起到脚呢？

　　呢个世界，好多女人中意扮上菜，或者妄想自己系上菜。

　　你想揾找个身家一千万，你自己至少也该有一百万去衬返人嘎。当然，我嘅意思唔系指

　　确切嘅钱，而系资本。

　　你嘅才华、品格、样貌身材、气质谈吐、知识阅历等等都系做上菜嘅资本。

　　好多女人，一直叹揾唔到好条件嘅男人。

　　关键系，你为咗得到你想要嘅你做咗几多准备？你有几多资本？你遇上一个好男人，你

　　凭乜野去获得对方赞赏？

　　呢D，都要靠自己！

　　有男人对你好嘅时候你，你挑三拣四，吊高黎卖。当你觉得你个男人无前途嘅时候，系

　　咪都检讨下自己有无资本呢？

　　当你自己有资本嘅时候，更有资本嘅男人自然会揾上门，使咩你自己揾得咁辛苦嗟。

　　记住，上菜通常都唔外卖嘎！

　　好似我呢个女性朋友咁，觉得自己系上菜，要金盘玉盏先配得起，咁嘅话，只能慢慢等，等到变隔夜菜咯。

　　一个自身唔努力，旨意晒个男人嘅女人，就算几靓，都只能得到男人嘅欢心同钱，永远得唔到爱同尊重。

　　呢个社会无论男女，个个都好现实，无人唔想过更好嘅生活，揾到条件更好嘅伴侣。

　　只不过男人无女人咁幸福。

　　男人知道，我要得到呢一切，必须要自己去努力揾钱去实现。

　　这篇有关于一个广州靓女(一)的文章，就为您介绍到这里，希望它对您有帮助。