新闻讲：5月13日是母亲节，不少人都会给母亲们送上节日的祝福。

　　阿六讲：祝福就好嘞，千祈米懒好心咁对亲友讲“帮我问候下你阿妈”，因为喺广州，讲哩句话等于闹人。

　　事实上，喺粤语中有关对“母亲”嘅叫法、运用、词汇搭配系好有讲究，哩啲，想讲粤语嘅新广州人或外地人就要趁母亲节来临之际向小弟学下嘢啦。

　　首先对母亲嘅叫法，广州人最常见系叫“妈妈”，两个字系阳平同去声，第一个“妈”音高，第二个“妈”音低，同普通话读法前后掉转。此外，重有叫“阿妈”、“妈咪”、“老母”嘅，其中对“阿妈”嘅词汇搭配上最有讲究：比如讲到人家嘅母亲时，就可讲“你阿妈啊”（“啊”读轻音），但闹人嗰时，同样系“你阿妈啊”，但“啊”读重音，同字唔同音，意思天渊之别。

　　而“老母”嘅叫法，多用于对外，自己唔会咁叫自己母亲，因为哩个词听起来好唔客气。

　　姓陈嘅年轻人可以叫“小陈”，小陈嘅妈妈用粤语叫“小陈妈妈”亦无妨，但如果系“小李”就冇咁叫嘞，因为“小李”中嘅“小”音近某粗口字，而“李”又同“你”同音，连埋“妈妈”读就似足粗口。周星驰电影《唐伯虎点秋香》中，嗰句“小李老母飞刀”就系“著名”嘅谐音粗口。

　　粤语一直有“乜都可以揾，就系唔可以揾老母”嘅警句，事关“揾老母”唔系真系“揾人”，而系隐蔽粗口。

　　地域差异会造成文化差异，学多两句粤语就唔会无端端得罪人。

　　这篇有关于粤语中嘅“母亲”的文章，就为您介绍到这里，希望它对您有帮助。